Velsmakande felespel
Samspelet mellom Mjøs og Stubsveen er kontrollert
og leikande på ein gong.
Johanne Løkensgard Mjøs frå Bergen og Sigrid Stubsveen frå Engerdal byr på slåttar og drinkar i baren.
Foto: Ingrid Eriksen / Ta:lik
Folkemusikk
Johanne Løksengard Mjøs & Sigrid Stubsveen:
Slåtter fra baren
Ta:lik
Som så mange av folkemusikkplatene som kjem ut om dagen, er også denne laga av unge, velutdanna musikarar som har profesjonalisert spelet. Dei har bakgrunn frå utdanningsinstitusjonane Griegakademiet (Bergen), Ole Bull Akademiet (Voss) og Noregs musikkhøgskule (Oslo). Og det kan høyrast: Felespelet er teknisk briljant, kontrollert ned i minste detalj, og dei tostemte arrangementa er gjennomtenkte.
Difor er det underleg at det i tekstheftet som kjem med plata, står fylgjande: «Det er både ulogisk og upraktisk at en Engerdøl og en Bergenser skal finne sammen, men når den musikalske kjemien er så bra er det umulig å la være.» Dette kunne nok vore ei grei grunngjeving den gongen folkemusikken var sterkt stadbunden og mobiliteten meir avgrensa. Men elles i dagens musikkliv spelar folk den musikken dei likar, med kven dei vil. Ein spelar til dømes renessansemusikk, frijazz eller punk, uansett kor ein bur eller kjem frå. Difor er det slett ikkje underleg at gode og velutdanna felespelarar lagar god musikk saman, sjølv om dei har vakse opp i ulike delar av landet.
Tittelen Slåtter fra baren spelar på den felles interessa musikarane har for god mat og drykk. Og tekstheftet er jamvel utstyrt med oppskrifter til ein drink for kvar slått, komponert av bartenderen Lars Eide. Oppskriftene ser saktens freistande ut, men musikken står godt på eigne bein og fungerer like godt anten ein føretrekkjer julegløgg, champagne eller kefir.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folkemusikk
Johanne Løksengard Mjøs & Sigrid Stubsveen:
Slåtter fra baren
Ta:lik
Som så mange av folkemusikkplatene som kjem ut om dagen, er også denne laga av unge, velutdanna musikarar som har profesjonalisert spelet. Dei har bakgrunn frå utdanningsinstitusjonane Griegakademiet (Bergen), Ole Bull Akademiet (Voss) og Noregs musikkhøgskule (Oslo). Og det kan høyrast: Felespelet er teknisk briljant, kontrollert ned i minste detalj, og dei tostemte arrangementa er gjennomtenkte.
Difor er det underleg at det i tekstheftet som kjem med plata, står fylgjande: «Det er både ulogisk og upraktisk at en Engerdøl og en Bergenser skal finne sammen, men når den musikalske kjemien er så bra er det umulig å la være.» Dette kunne nok vore ei grei grunngjeving den gongen folkemusikken var sterkt stadbunden og mobiliteten meir avgrensa. Men elles i dagens musikkliv spelar folk den musikken dei likar, med kven dei vil. Ein spelar til dømes renessansemusikk, frijazz eller punk, uansett kor ein bur eller kjem frå. Difor er det slett ikkje underleg at gode og velutdanna felespelarar lagar god musikk saman, sjølv om dei har vakse opp i ulike delar av landet.
Tittelen Slåtter fra baren spelar på den felles interessa musikarane har for god mat og drykk. Og tekstheftet er jamvel utstyrt med oppskrifter til ein drink for kvar slått, komponert av bartenderen Lars Eide. Oppskriftene ser saktens freistande ut, men musikken står godt på eigne bein og fungerer like godt anten ein føretrekkjer julegløgg, champagne eller kefir.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Den israelske militære talspersonen, admiral Daniel Hagar, møter media.
Foto: Amir Cohen / Reuters / NTB
Iransk kanondiplomati
Det iranske åtaket mot Israel bognar av strategiske bodskapar. Og mottakarane er mange.
Eden Golan skal representere Israel i Eurovision i Malmö.
Foto: Ran Yehezkel
Eurovision: Israels deltaking er viktig for pressefridomen
Den frie israelske pressa er under kraftig press.
Bjørgulv Straume (1938–2024).
Foto: Leonhard Jansen / Setesdalsmuseet
Munnharpevirtuosen frå Setesdal
Med Bjørgulv Straume voks den landsomfattande bølgja for munnharpespel seg til høgder ingen kunne førestilt seg.
Saueauksjon i Machynlleth i Wales.
Alle foto: Svein Gjerdåker
Sau
Noko om sauedrift i Noreg og Wales.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.