Tidlaus pianotrio
Eyolf Dale Trio byr på eit sterkt og originalt repertoar.
Med seg i trioen har Eyolf Dale Per Zanussi (t.v.) og Audun Kleive (t.h.).
Foto: Per Schorn
Jazz
Eyolf Dale Trio:
The Wayfarers
Eyolf Dale, piano, hammarspinett og celesta: Per Zanussi, bass og sag: Audun Kleive, trommer.
Edition Records
Pianotrioformatet synest historisk sett å vera ein av dei mest slitesterke besetningane i jazzen. Fleksibiliteten, det rike uttrykket kombinert med intimiteten i samspelet er faktorar som gjer at stadig nye generasjonar musikarar vert dregne til formatet. Det seier seg sjølv at ikkje alt kan vera like interessant, men så har ein altså Eyolf Dale Trio.
Debutplata til trioen, Being, kom for knappe to år sidan og gjorde eit sterkt inntrykk. Det var ikkje berre dei suverene tolkingane, men også komposisjonane i seg sjølv som gjorde at plata stod fram. The Wayfarers tek nye steg. På omslaget vert det poengtert at materialet denne gongen har vore testa ut. Zanussi og Kleive har kunna gje innspel. Resultatet er i alle fall saumlaus musisering der ein går frå det komponerte og arrangerte til det improviserte og attende. Det er ein heilskap i det trioen held på med, som er imponerande.
Alle ti låtane er skrivne av Dale. Dei har særpreg og står støtt på eigne bein, men dannar kontrastar eller apropos i det samla verket. Balladen «Hidden Treasures» med eit nydeleg basskor blir etterfølgt av den oppkava og lett nevrotiske «Behind the Curtains» der Dale og Kleive jagar kvarandre kvilelaust. Det heile fell til ro med den kontemplative og «blåe» «A Current Peace of Mind». Den avgrensa bruken av sag og hammarspinett har nettopp den funksjonen å skapa relieff, men alt er gjort med stilsikker diskresjon.
Om dette er årets plate, er litt tidleg å slå fast, men at The Wayfarers er ein kandidat når status skal gjerast opp om ti månader, er det ikkje tvil om.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Eyolf Dale Trio:
The Wayfarers
Eyolf Dale, piano, hammarspinett og celesta: Per Zanussi, bass og sag: Audun Kleive, trommer.
Edition Records
Pianotrioformatet synest historisk sett å vera ein av dei mest slitesterke besetningane i jazzen. Fleksibiliteten, det rike uttrykket kombinert med intimiteten i samspelet er faktorar som gjer at stadig nye generasjonar musikarar vert dregne til formatet. Det seier seg sjølv at ikkje alt kan vera like interessant, men så har ein altså Eyolf Dale Trio.
Debutplata til trioen, Being, kom for knappe to år sidan og gjorde eit sterkt inntrykk. Det var ikkje berre dei suverene tolkingane, men også komposisjonane i seg sjølv som gjorde at plata stod fram. The Wayfarers tek nye steg. På omslaget vert det poengtert at materialet denne gongen har vore testa ut. Zanussi og Kleive har kunna gje innspel. Resultatet er i alle fall saumlaus musisering der ein går frå det komponerte og arrangerte til det improviserte og attende. Det er ein heilskap i det trioen held på med, som er imponerande.
Alle ti låtane er skrivne av Dale. Dei har særpreg og står støtt på eigne bein, men dannar kontrastar eller apropos i det samla verket. Balladen «Hidden Treasures» med eit nydeleg basskor blir etterfølgt av den oppkava og lett nevrotiske «Behind the Curtains» der Dale og Kleive jagar kvarandre kvilelaust. Det heile fell til ro med den kontemplative og «blåe» «A Current Peace of Mind». Den avgrensa bruken av sag og hammarspinett har nettopp den funksjonen å skapa relieff, men alt er gjort med stilsikker diskresjon.
Om dette er årets plate, er litt tidleg å slå fast, men at The Wayfarers er ein kandidat når status skal gjerast opp om ti månader, er det ikkje tvil om.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Når den medisinske utviklingen gjør at vi kan redde barn stadig tidligere, er utvidelse av abortloven helt feil vei å gå, skriver KrF-leder Olaug Bollestad.
Foto: Jan-Petter Dahl, TV 2 / TV 2 / NTB
Blottet for etiske refleksjoner
Fjerner Arbeiderpartiet nemndene, fjerner de rettsvernet for det ufødte livet frem til svangerskapet er nesten halvgått.
Teikning: May Linn Clement
Votten
Like ved der huset til Olav og Margit så vidt kan skimtast bak ein haug, heng ein blaut vott i toppen av ei brøytestikke. Ein liten gut står på tå og prøver å rekke opp.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.