Sterke låtar frå Opsahl
Trioen serverer kammermusikk av det leikne slaget.
Jazz / folkemusikk
Carl Petter Opsahl:
Kyrkja
Carl Petter Opsahl, bassklarinett; Oddrun Lilja Jonsdottir, gitar; Ellen Brekken, bass.
Visions and Dreams
Carl Petter Opsahl er mangfaldig. Jazzmusikar og gateprest. Han tok i 2012 doktorgraden i teologi med ei avhandling om det åndelege og hiphopkultur, Dance to My Ministry. Exploring Hip-Hop Spirituality. Han var i si tid med på å skipa Caledonia Jazzband og Chateau Neuf Spelemannslag.
Kyrkja er sett saman av elleve låtar som fangar opp heile spekteret av inspirasjon og tidlegare musikalsk praksis, men plata er ikkje tilbakeskodande. Opsahl prøver ikkje å gjenskapa noko som har vore. Av ymse grunnar har han eit sterkt tilhøve til dette låtmaterialet, og han har med seg to musikarar som er heilt på bølgelengd. Arrangementa som dei tre har jobba fram i lag, har alle det til felles at melodien står klart og tydeleg i sentrum.
Lilja har skapt seg eit namn som gitarist og komponist i jazz- og verdsmusikkrinsar. Ho skal levera tingingsverket til Vossa Jazz neste år. Her trakterer ho både elgitaren og den akustiske utgåva. I tillegg fargelegg ho diskré vokalt ved nokre høve. Brekken er kjend for å skapa eit solid rytmisk fundament for Hedvig Mollestad og i bandet A Tonic for the Troops. Her er det ei leikande og lett «dansande» utgåve av bassisten me møter.
Dei sveiper innom det frie og improviserte i til dømes introen til «Vision of the Young, Dreams of the Elders». Aller best er dei tre i «Krybbeheilagt», ein springleik med flageolett-intro av Brekken, eit nydeleg tema introdusert av Opsahl og eit meditativt mellomspel av Lilja, før dei vender attende til temaet og Lilja fell inn på vokal og gjer det heile meir eterisk.
Sjølvsagt avsluttar Brekken som ho byrja. I «Blant dronninger og profeter» koplar dei eit tema inspirert frå norsk/svensk folkemusikk med karibisk rytmikk og leikar seg i korte improviserte snuttar. Ei sterk plate som det er lett å lika.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz / folkemusikk
Carl Petter Opsahl:
Kyrkja
Carl Petter Opsahl, bassklarinett; Oddrun Lilja Jonsdottir, gitar; Ellen Brekken, bass.
Visions and Dreams
Carl Petter Opsahl er mangfaldig. Jazzmusikar og gateprest. Han tok i 2012 doktorgraden i teologi med ei avhandling om det åndelege og hiphopkultur, Dance to My Ministry. Exploring Hip-Hop Spirituality. Han var i si tid med på å skipa Caledonia Jazzband og Chateau Neuf Spelemannslag.
Kyrkja er sett saman av elleve låtar som fangar opp heile spekteret av inspirasjon og tidlegare musikalsk praksis, men plata er ikkje tilbakeskodande. Opsahl prøver ikkje å gjenskapa noko som har vore. Av ymse grunnar har han eit sterkt tilhøve til dette låtmaterialet, og han har med seg to musikarar som er heilt på bølgelengd. Arrangementa som dei tre har jobba fram i lag, har alle det til felles at melodien står klart og tydeleg i sentrum.
Lilja har skapt seg eit namn som gitarist og komponist i jazz- og verdsmusikkrinsar. Ho skal levera tingingsverket til Vossa Jazz neste år. Her trakterer ho både elgitaren og den akustiske utgåva. I tillegg fargelegg ho diskré vokalt ved nokre høve. Brekken er kjend for å skapa eit solid rytmisk fundament for Hedvig Mollestad og i bandet A Tonic for the Troops. Her er det ei leikande og lett «dansande» utgåve av bassisten me møter.
Dei sveiper innom det frie og improviserte i til dømes introen til «Vision of the Young, Dreams of the Elders». Aller best er dei tre i «Krybbeheilagt», ein springleik med flageolett-intro av Brekken, eit nydeleg tema introdusert av Opsahl og eit meditativt mellomspel av Lilja, før dei vender attende til temaet og Lilja fell inn på vokal og gjer det heile meir eterisk.
Sjølvsagt avsluttar Brekken som ho byrja. I «Blant dronninger og profeter» koplar dei eit tema inspirert frå norsk/svensk folkemusikk med karibisk rytmikk og leikar seg i korte improviserte snuttar. Ei sterk plate som det er lett å lika.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Dei siste par åra har den norske bonden fått kjenne konsekvensane av å produsere i eit system der utgiftene er styrte av marknaden, medan inntektene er styrte av politikarane, skriv Siri Helle.
Foto: Heiko Junge / NTB
Effektivisering er ikkje berginga
Korleis gje bønder rettferdig inntekt når dei framleis skal vere sjølvstendig næringsdrivande?
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.