Megadurkdriven antimusak
Decoder er ei attforteljing av ei William S. Burroughs-basert soge om fastfood, froskar og sløvande bakgrunnsmusikk.
Elektronisk musikk
Remute:
Decoder
Bandcamp
Den hamburgske musikkprodusenten Remutes nyaste album er ein adapsjon av Decoder, ein vesttysk science fiction-film frå 1998 med musikk av Soft Cell, The The og Einstürzende Neubauten. F.M. Einheit spelte perkusjon i det sistnemnde orkesteret, og i filmen speler han hovudpersonen F.M., ein motkulturell burgarflippar og hobbymusikant som oppdagar at bakgrunnsmusaken i fastfoodrestauranten han jobbar i, set gjestene i ein føyeleg hypnotisk transetilstand. Ikkje heilt ulikt måten tradisjonell kjøpesentermusak og dagens «lydkulissar» stiller sinnet inn på forbruksvenlege stemningsfrekvensar.
«FM» står for «frekvensmodulasjon», og det er FM-synthesizeren i Sega Mega Drive-spelkonsollen frå 1988 Remute har laga Decoder med. Instrumentet har nokre uregjerlege eigenskapar som gir ein særeigen og dynamisk lyd, og resultatet er storarta. Her er arven etter Kraftwerks menneskemaskinmusikk, new wave- og industrial-tradisjonen, Yuzo Koshiros «Streets of Rage»-spelmusikk og Yellow Magic Orchestras spretne og kunstferdige elektropop filtrert gjennom Remutes oppdaterte, djupe klubbmusikksensibilitet.
Decoder er tilgjengeleg digitalt i tillegg til ein Mega Drive-kassett for spesielt interesserte. Kassetten spelar musikken i sanntid på det originale spelmaskineriet – bitte litt forskjellig frå gong til gong – og inneheld dertil ei stumfilm- og bildebokaktig attforteljing av 1984-filmen.
Den kalde, varme, skarpe og ulne lyden passar perfekt til den nusselege dystopien, der styresmaktene utøver full kontroll over folket ved bruk av «keisam musikk», og lyden av froskekvekk viser seg å vere motgifta – ei påminning om naturen set i gang revolusjonen.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Remute:
Decoder
Bandcamp
Den hamburgske musikkprodusenten Remutes nyaste album er ein adapsjon av Decoder, ein vesttysk science fiction-film frå 1998 med musikk av Soft Cell, The The og Einstürzende Neubauten. F.M. Einheit spelte perkusjon i det sistnemnde orkesteret, og i filmen speler han hovudpersonen F.M., ein motkulturell burgarflippar og hobbymusikant som oppdagar at bakgrunnsmusaken i fastfoodrestauranten han jobbar i, set gjestene i ein føyeleg hypnotisk transetilstand. Ikkje heilt ulikt måten tradisjonell kjøpesentermusak og dagens «lydkulissar» stiller sinnet inn på forbruksvenlege stemningsfrekvensar.
«FM» står for «frekvensmodulasjon», og det er FM-synthesizeren i Sega Mega Drive-spelkonsollen frå 1988 Remute har laga Decoder med. Instrumentet har nokre uregjerlege eigenskapar som gir ein særeigen og dynamisk lyd, og resultatet er storarta. Her er arven etter Kraftwerks menneskemaskinmusikk, new wave- og industrial-tradisjonen, Yuzo Koshiros «Streets of Rage»-spelmusikk og Yellow Magic Orchestras spretne og kunstferdige elektropop filtrert gjennom Remutes oppdaterte, djupe klubbmusikksensibilitet.
Decoder er tilgjengeleg digitalt i tillegg til ein Mega Drive-kassett for spesielt interesserte. Kassetten spelar musikken i sanntid på det originale spelmaskineriet – bitte litt forskjellig frå gong til gong – og inneheld dertil ei stumfilm- og bildebokaktig attforteljing av 1984-filmen.
Den kalde, varme, skarpe og ulne lyden passar perfekt til den nusselege dystopien, der styresmaktene utøver full kontroll over folket ved bruk av «keisam musikk», og lyden av froskekvekk viser seg å vere motgifta – ei påminning om naturen set i gang revolusjonen.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Ei palestinsk kvinne passerer ruinane av bustadblokker i Hamad i Khan Younis sør på Gaza 13. mars 2024.
Foto: Ahmed Zakot / Reuters / NTB
Alt dette var ikkje nødvendig
Krigen i Gaza er ikkje eit brot, men snarare ei logisk fullbyrding av politikken som er ført dei siste femti åra i Israel.
Ferdigmathylla på butikken er ofte ganske stor. Men er det dei små som handterer ho best?
Foto: Terje Pedersen / NTB
Ferdigmiddag
Det kan sjå ut som smådriftsfordelar bør få dominere norsk ferdigmatproduksjon.
Presidentkandidat Donald Trump gjer honnør når dei spelar av opptaket der dømde etter 6. januar-åtaket på Kongressen syng nasjonalsongen i kor.
Foto: Jeff Dean / AP / NTB
Val på kanten av stupet?
– Om eg ikkje vinn presidentvalet i haust, betyr det slutten på det amerikanske demokratiet, sa Trump på eit valmøte i Ohio sist helg.
29 kvinner i Kremenets-regionen har fått førarkort for traktor dei seinaste vekene.
Foto: Efrem Lukatsky / AP / NTB
Traktorar og forrædarar
I staden for ei fredeleg våronn må Ukraina forsvare seg mot den russiske våroffensiven.
Eugénie arbeider som kokk for den vidgjetne restauranteigaren Dodin i 20 år. Den felles kjærleiken dei har til mat, skapar unike retter som tiltrekkjer seg menneske frå heile verda.
Foto: Carole Bethuel