Humor i skuggelandskap
Velspelt komedie om kvinnevennskap mot ein dyster bakgrunn.
Linn Løvik, Christine Hope og Reny Gaassand Folgerø i komedien av Peter Quilter.
Foto: Andreas Roksvåg
Det Vestnorske Teateret
Peter Quilter:
Steg for steg
Regi og omsetjing til bokmål (ikkje «norsk» som det står på teaterets heimeside):
Frode Gjerløw
Omsett til nynorsk av Christine Hope
Det spesielle med dette humoristiske kammerspelet er at det er den kvinnelege utgåva av komedien The Hill, som handlar om tre menn. Den engelske dramatikaren har altså skrive to kjønna komediar om nett same tema – tre venner som dreg til fjells for å minnast og ære ein nyss død venn. Det kunne vore interessant å sjå dei to versjonane sett mot kvarandre, så å seie.
Nett denne bakgrunnen med den døde venninna og minna om henne, ligg som ein klangbotn for mykje av det som skjer. Her møter vi tre kvinner i 40–50-åra: Monica (Linn Løvvik), som skal gifte seg – men ikkje er heilt trygg på at ho har valt rett, den lesbiske Silje (Reny Gaassand Folgerø) som er ute av eit forhold og slit med det, og Bodil (Christine Hope), som er meir interessert i kafébesøk enn fjellturar, og som dessutan ber på sjølvmordstankar.
Ulike er dei, men minna om avdøde Rebecca held dei saman. Medan dei strever seg mot toppen, speler dei tre ut mykje av det vi assosierer med vennskap – krangling, omsorg, kjærleik og litt baksnakking. Det er attkjennande (også for ein mann), og Quilter har hylla det heile inn i eit komikkens og humorens skjer, som dei tre godt samspelte aktørane med fin timing veit å ta vel vare på.
Noka regulær latterbombe er ikkje dette, til det er tapet av ei god venninne for nært. Men vi humrar og småler, og får oppleve situasjonar vi kan nikke attkjennande til. Feelgood med skuggar langs kanten.
Jan H. Landro
Jan H. Landro er forfattar, journalist og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det Vestnorske Teateret
Peter Quilter:
Steg for steg
Regi og omsetjing til bokmål (ikkje «norsk» som det står på teaterets heimeside):
Frode Gjerløw
Omsett til nynorsk av Christine Hope
Det spesielle med dette humoristiske kammerspelet er at det er den kvinnelege utgåva av komedien The Hill, som handlar om tre menn. Den engelske dramatikaren har altså skrive to kjønna komediar om nett same tema – tre venner som dreg til fjells for å minnast og ære ein nyss død venn. Det kunne vore interessant å sjå dei to versjonane sett mot kvarandre, så å seie.
Nett denne bakgrunnen med den døde venninna og minna om henne, ligg som ein klangbotn for mykje av det som skjer. Her møter vi tre kvinner i 40–50-åra: Monica (Linn Løvvik), som skal gifte seg – men ikkje er heilt trygg på at ho har valt rett, den lesbiske Silje (Reny Gaassand Folgerø) som er ute av eit forhold og slit med det, og Bodil (Christine Hope), som er meir interessert i kafébesøk enn fjellturar, og som dessutan ber på sjølvmordstankar.
Ulike er dei, men minna om avdøde Rebecca held dei saman. Medan dei strever seg mot toppen, speler dei tre ut mykje av det vi assosierer med vennskap – krangling, omsorg, kjærleik og litt baksnakking. Det er attkjennande (også for ein mann), og Quilter har hylla det heile inn i eit komikkens og humorens skjer, som dei tre godt samspelte aktørane med fin timing veit å ta vel vare på.
Noka regulær latterbombe er ikkje dette, til det er tapet av ei god venninne for nært. Men vi humrar og småler, og får oppleve situasjonar vi kan nikke attkjennande til. Feelgood med skuggar langs kanten.
Jan H. Landro
Jan H. Landro er forfattar, journalist og fast teatermeldar i Dag og Tid.
Fleire artiklar
Ei palestinsk kvinne passerer ruinane av bustadblokker i Hamad i Khan Younis sør på Gaza 13. mars 2024.
Foto: Ahmed Zakot / Reuters / NTB
Alt dette var ikkje nødvendig
Krigen i Gaza er ikkje eit brot, men snarare ei logisk fullbyrding av politikken som er ført dei siste femti åra i Israel.
Ferdigmathylla på butikken er ofte ganske stor. Men er det dei små som handterer ho best?
Foto: Terje Pedersen / NTB
Ferdigmiddag
Det kan sjå ut som smådriftsfordelar bør få dominere norsk ferdigmatproduksjon.
Presidentkandidat Donald Trump gjer honnør når dei spelar av opptaket der dømde etter 6. januar-åtaket på Kongressen syng nasjonalsongen i kor.
Foto: Jeff Dean / AP / NTB
Val på kanten av stupet?
– Om eg ikkje vinn presidentvalet i haust, betyr det slutten på det amerikanske demokratiet, sa Trump på eit valmøte i Ohio sist helg.
29 kvinner i Kremenets-regionen har fått førarkort for traktor dei seinaste vekene.
Foto: Efrem Lukatsky / AP / NTB
Traktorar og forrædarar
I staden for ei fredeleg våronn må Ukraina forsvare seg mot den russiske våroffensiven.
Eugénie arbeider som kokk for den vidgjetne restauranteigaren Dodin i 20 år. Den felles kjærleiken dei har til mat, skapar unike retter som tiltrekkjer seg menneske frå heile verda.
Foto: Carole Bethuel