Folkemusikkinspirert kammermusikk
Hytta byr på nye realiseringar av detaljar frå norsk folkemusikk.
Samtidsmusikk
Anne Hytta:
Brigde
Hush Music
Anne Hytta er ein hardingfelespelar som har lært tradisjonelt slåttespel frå Telemark hjå Einar Løndal og Knut Buen. Ho har dessutan arbeidd med mellomaldermusikk, laga eigne slåttar og komponert ny musikk for hardingfele – gjerne i samspel med andre instrument.
Denne plata kan seiast å vera eit møte mellom impulsar frå folkemusikk og klassisk musikk. Det er langt frå første gongen det skjer. Dei tidlege noteoppskriftene av norsk folkemusikk hadde som mål å tena som råstoff for dei klassiske komponistane i arbeidet deira med å konstruera ein ny «nasjonal» musikk. Seinare har jazzmusikarar nytta det same råstoffet som grunnlag for å vidareutvikla sin musikk. Og i vår tid finst det endelause døme på folkemusikarar (ofte solistar) som omgjev seg med musikarar med bakgrunn i jazz, pop eller rock.
Sett på bakgrunn av dette er det originale ved Anne Hytta sitt prosjekt at ho nyttar små element som er typiske for slåttespelet, til dømes korte motiv og ornament, som utgangspunkt for meir utbygde komposisjonar som ikkje er arrangement av folkemusikk, men meir sjølvstendige komposisjonar.
Hytta sjølv trakterer hardingfela i samspel med strykarar frå Telemark kammerorkester og Amund Sjølie Sveen på vibrafon og glas. Og det er den samla klangen frå musikarane som er i sentrum – ikkje einskildprestasjonar. For det meste er musikken stillferdig og utan kontrastar eller dramatikk. Likevel er det heile stramt komponert og aldri utflytande.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Samtidsmusikk
Anne Hytta:
Brigde
Hush Music
Anne Hytta er ein hardingfelespelar som har lært tradisjonelt slåttespel frå Telemark hjå Einar Løndal og Knut Buen. Ho har dessutan arbeidd med mellomaldermusikk, laga eigne slåttar og komponert ny musikk for hardingfele – gjerne i samspel med andre instrument.
Denne plata kan seiast å vera eit møte mellom impulsar frå folkemusikk og klassisk musikk. Det er langt frå første gongen det skjer. Dei tidlege noteoppskriftene av norsk folkemusikk hadde som mål å tena som råstoff for dei klassiske komponistane i arbeidet deira med å konstruera ein ny «nasjonal» musikk. Seinare har jazzmusikarar nytta det same råstoffet som grunnlag for å vidareutvikla sin musikk. Og i vår tid finst det endelause døme på folkemusikarar (ofte solistar) som omgjev seg med musikarar med bakgrunn i jazz, pop eller rock.
Sett på bakgrunn av dette er det originale ved Anne Hytta sitt prosjekt at ho nyttar små element som er typiske for slåttespelet, til dømes korte motiv og ornament, som utgangspunkt for meir utbygde komposisjonar som ikkje er arrangement av folkemusikk, men meir sjølvstendige komposisjonar.
Hytta sjølv trakterer hardingfela i samspel med strykarar frå Telemark kammerorkester og Amund Sjølie Sveen på vibrafon og glas. Og det er den samla klangen frå musikarane som er i sentrum – ikkje einskildprestasjonar. For det meste er musikken stillferdig og utan kontrastar eller dramatikk. Likevel er det heile stramt komponert og aldri utflytande.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Når den medisinske utviklingen gjør at vi kan redde barn stadig tidligere, er utvidelse av abortloven helt feil vei å gå, skriver KrF-leder Olaug Bollestad.
Foto: Jan-Petter Dahl, TV 2 / TV 2 / NTB
Blottet for etiske refleksjoner
Fjerner Arbeiderpartiet nemndene, fjerner de rettsvernet for det ufødte livet frem til svangerskapet er nesten halvgått.
Teikning: May Linn Clement
Votten
Like ved der huset til Olav og Margit så vidt kan skimtast bak ein haug, heng ein blaut vott i toppen av ei brøytestikke. Ein liten gut står på tå og prøver å rekke opp.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.