Fokusert
Vesle Rosendal ruvar i det norske festivallandskapet.
Baroniet frå 1665 er Rosendals kjennemerke.
Foto: Sjur Haga Bringeland
Rosendal Kammermusikkfestival
Rosendal 7.–10. juli 2022
n Intimfestival grunnlagd av Leif Ove Andsnes i 2016
n Arrangert i og kring baroniet, som er frå 1665
n Byr på kammermusikarar i verdsklasse
n Vanlegvis i august, men i år framskunda til juli
Bakgrunn
Ludwig Van Beethoven
n Tysk komponist i overgangen frå wienerklassisismen til romantikken
n Fødd i Bonn i 1770, død i Wien i 1827
n Komponerte mellom anna 9 symfoniar, 5 klaverkonsertar og 32 klaversonatar
n Sjølve sinnbiletet på det romantiske kunstnargeniet
Rosendal Kammermusikkfestival
Rosendal 7.–10. juli 2022
n Intimfestival grunnlagd av Leif Ove Andsnes i 2016
n Arrangert i og kring baroniet, som er frå 1665
n Byr på kammermusikarar i verdsklasse
n Vanlegvis i august, men i år framskunda til juli
Bakgrunn
Ludwig Van Beethoven
n Tysk komponist i overgangen frå wienerklassisismen til romantikken
n Fødd i Bonn i 1770, død i Wien i 1827
n Komponerte mellom anna 9 symfoniar, 5 klaverkonsertar og 32 klaversonatar
n Sjølve sinnbiletet på det romantiske kunstnargeniet
Kommentar
sjurhabring@gmail.com
Når det gjeld festivalar, er større så visst ikkje alltid betre. Rosendal Kammermusikkfestival, som i år gjekk føre seg frå torsdag 7. juli til sundag 10. juli, er kort og intens. Langhelga baud på ti konsertar, i tillegg til konsertintroduksjonar og samtalar – alt på høgaste nivå, med nokre av verdas beste klassiske musikarar.
Kunstnarleg leiar er pianisten Leif Ove Andsnes, som starta det heile i 2016. Han er vel den norske musikaren som har best føresetnad for å handplukka kollegaer til prosjekta sine. Eit døme: Då den tyske cellisten Tanja Tetzlaff fekk korona, måtte han finna ei erstatning. Erstatninga bar ikkje preg av å vera noka naudløysing. Engelske Steven Isserlis, som er ein av vår tids absolutt beste cellistar, tok på kort varsel turen til Rosendal.
Fjordferd
Rosendal er ein liten tettstad med små spelestadar. Det er difor lurt å tinga overnatting og konsertbillettar i god tid. Tilreisande langvegsfrå dreg vanlegvis via Bergen. På Vågen eller Flesland stig ein om bord på «Hardangerfjordekspressen» (katamaranen M/S «Rygerfonn»), som brukar knappe to timar til Rosendal. I godt vêr er denne fjordferda ei oppleving i seg sjølv.
Kammermusikk er klassiske verk for små ensemble. Musikken er av intim karakter og høver best på mindre spelestadar. Rosendals kjennemerke, baroniet frå 1665, eignar seg lite til konsertar. Festivalens to arenaar er difor Kvinnherad kyrkje, ei vakker steinkyrkje frå 1200-talet med god akustikk, og Riddersalen (som er eit fjollete namn på ein ombygd låve, men akustikken er edel).
Festivaltemaet i år var Beethoven. Programmet krinsa kring denne romantiske giganten, førebileta hans og slike som har hatt han som førebilete. Beethoven-inspirert norsk samtidsmusikk var difor også å høyra, som Ketil Hvoslefs (fødd 1939) Beethoven-fantasi og Beethoven Trio.
Dankar ut Bergen
Rosendal Kammermusikkfestival imponerte med stram og intelligent programmering og strengt fokus på kunstnarleg kvalitet. Når det gjeld klassisk musikk, synte han seg difor langt meir relevant enn Festspillene i Bergen – festivalen som år for år fjernar seg lengre frå formålsparagrafen om å «gi et bilde av de beste norske og internasjonale kunstfrembringelser, vesentlig innenfor musikk» og å vera «den fremste norske manifestasjon i sitt slag».
Sjur Haga Bringeland
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kommentar
sjurhabring@gmail.com
Når det gjeld festivalar, er større så visst ikkje alltid betre. Rosendal Kammermusikkfestival, som i år gjekk føre seg frå torsdag 7. juli til sundag 10. juli, er kort og intens. Langhelga baud på ti konsertar, i tillegg til konsertintroduksjonar og samtalar – alt på høgaste nivå, med nokre av verdas beste klassiske musikarar.
Kunstnarleg leiar er pianisten Leif Ove Andsnes, som starta det heile i 2016. Han er vel den norske musikaren som har best føresetnad for å handplukka kollegaer til prosjekta sine. Eit døme: Då den tyske cellisten Tanja Tetzlaff fekk korona, måtte han finna ei erstatning. Erstatninga bar ikkje preg av å vera noka naudløysing. Engelske Steven Isserlis, som er ein av vår tids absolutt beste cellistar, tok på kort varsel turen til Rosendal.
Fjordferd
Rosendal er ein liten tettstad med små spelestadar. Det er difor lurt å tinga overnatting og konsertbillettar i god tid. Tilreisande langvegsfrå dreg vanlegvis via Bergen. På Vågen eller Flesland stig ein om bord på «Hardangerfjordekspressen» (katamaranen M/S «Rygerfonn»), som brukar knappe to timar til Rosendal. I godt vêr er denne fjordferda ei oppleving i seg sjølv.
Kammermusikk er klassiske verk for små ensemble. Musikken er av intim karakter og høver best på mindre spelestadar. Rosendals kjennemerke, baroniet frå 1665, eignar seg lite til konsertar. Festivalens to arenaar er difor Kvinnherad kyrkje, ei vakker steinkyrkje frå 1200-talet med god akustikk, og Riddersalen (som er eit fjollete namn på ein ombygd låve, men akustikken er edel).
Festivaltemaet i år var Beethoven. Programmet krinsa kring denne romantiske giganten, førebileta hans og slike som har hatt han som førebilete. Beethoven-inspirert norsk samtidsmusikk var difor også å høyra, som Ketil Hvoslefs (fødd 1939) Beethoven-fantasi og Beethoven Trio.
Dankar ut Bergen
Rosendal Kammermusikkfestival imponerte med stram og intelligent programmering og strengt fokus på kunstnarleg kvalitet. Når det gjeld klassisk musikk, synte han seg difor langt meir relevant enn Festspillene i Bergen – festivalen som år for år fjernar seg lengre frå formålsparagrafen om å «gi et bilde av de beste norske og internasjonale kunstfrembringelser, vesentlig innenfor musikk» og å vera «den fremste norske manifestasjon i sitt slag».
Sjur Haga Bringeland
«Medan Haydns skjemt er tørrvittig, tek Beethoven det heilt ut.»
Fleire artiklar
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.
Edvard Munch: «Dagen derpå» (1894).
Nasjonalmuseet
Bakrus
Verst er plagene utpå morgonkvisten når promillen ligg kring null.
Papiravisa