Demonteringa av eit demokrati
Judges Under Pressure er ein politisk skrekkfilm om noko som skulle vere uråd i dagens Europa.
Regissøren Kacper Lisowski følgjer dommaren Igor Tuleya (biletet), som kjempar for grunnlova og mot nedbrytande politiske krefter.
Foto frå filmen
Dokumentarfilm
Regi: Kacper Lisowski
Judges Under Pressure
Med: Igor Tuleya
Alle som har følgt med i internasjonale nyhende dei siste åra, veit ein del om det som har utvikla seg i Polen. Men å få prosessen presentert på knappe 90 minutt gjer inntrykk. Det blir ikkje betre av å sjå kor hjelpelaus giganten EU synest stå andsynes det som skjer.
Systematisk og bit for bit er det polske rettssystemet blitt demontert. Det finst ikkje lenger noka reell tredeling av makta eller det vi i dag forstår med ein rettsstat. Rett nok arbeider domstolane framleis under høgtrykk, men dersom dommarar avseier dommar styresmaktene ikkje liker, risikerer dei avskil og fengsling.
Det høgrepopulistiske partiet med det ironiske namnet Lov og rettferd (PiS) har i løpet av få år ved makta klart å endre lover og politisere rettsvesenet til eigen fordel. Kynisk fordømmer dei «vanskelege» dommarar som elitistiske, inkompetente eller endå dissidentar. Slike blir avsette og erstatta med partilojale nikkedokker.
Filmen følgjer den kompro-
misslause dommaren Igor Tuleya i hans kamp for grunnlova og mot dei nedbrytande kreftene i PiS-leiinga. Etter kvart misser han immuniteten sin som dommar og retten til å dømme. Men han står ikkje åleine i kampen mot dei illiberale reformene regjeringa innfører. I denne utsette situasjonen møter han stadig sterkare solidaritet, både frå kollegaer i rettsvesenet og frå vanlege borgarar. Først då grunnlovsdomstolen godkjenner ei radikal innstramming av abortlova, skjønar massane kva dei er i ferd med å tape – og går ut i rekordstore demonstrasjonar. Men kanskje er kampen for rettsstaten alt tapt.
Filmen er på ingen måte balansert, men stundom treng vi slike ytringar.
I Noreg ser vi ei regjering som med alle middel motarbeider ein høgsterettsdom dei ikkje liker – mot vindmøllene på Fosenhalvøya. Stør(r)e er ikkje respekten for maktas tredeling her heller. Burde ikkje spora frå Polen skremme?
Jan H. Landro
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dokumentarfilm
Regi: Kacper Lisowski
Judges Under Pressure
Med: Igor Tuleya
Alle som har følgt med i internasjonale nyhende dei siste åra, veit ein del om det som har utvikla seg i Polen. Men å få prosessen presentert på knappe 90 minutt gjer inntrykk. Det blir ikkje betre av å sjå kor hjelpelaus giganten EU synest stå andsynes det som skjer.
Systematisk og bit for bit er det polske rettssystemet blitt demontert. Det finst ikkje lenger noka reell tredeling av makta eller det vi i dag forstår med ein rettsstat. Rett nok arbeider domstolane framleis under høgtrykk, men dersom dommarar avseier dommar styresmaktene ikkje liker, risikerer dei avskil og fengsling.
Det høgrepopulistiske partiet med det ironiske namnet Lov og rettferd (PiS) har i løpet av få år ved makta klart å endre lover og politisere rettsvesenet til eigen fordel. Kynisk fordømmer dei «vanskelege» dommarar som elitistiske, inkompetente eller endå dissidentar. Slike blir avsette og erstatta med partilojale nikkedokker.
Filmen følgjer den kompro-
misslause dommaren Igor Tuleya i hans kamp for grunnlova og mot dei nedbrytande kreftene i PiS-leiinga. Etter kvart misser han immuniteten sin som dommar og retten til å dømme. Men han står ikkje åleine i kampen mot dei illiberale reformene regjeringa innfører. I denne utsette situasjonen møter han stadig sterkare solidaritet, både frå kollegaer i rettsvesenet og frå vanlege borgarar. Først då grunnlovsdomstolen godkjenner ei radikal innstramming av abortlova, skjønar massane kva dei er i ferd med å tape – og går ut i rekordstore demonstrasjonar. Men kanskje er kampen for rettsstaten alt tapt.
Filmen er på ingen måte balansert, men stundom treng vi slike ytringar.
I Noreg ser vi ei regjering som med alle middel motarbeider ein høgsterettsdom dei ikkje liker – mot vindmøllene på Fosenhalvøya. Stør(r)e er ikkje respekten for maktas tredeling her heller. Burde ikkje spora frå Polen skremme?
Jan H. Landro
Filmen er på ingen måte balansert, men stundom treng vi slike ytringar.
Jan H. Landro om Judges Under Pressure
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.