Bjeff og frijazzrap
Lil Bs to nye utgjevingar dekkjer eit breitt uttrykksspekter.
Hiphop / eksperimentell musikk
Lil B:
Call of Duty Task Force / Afrikantis
Basedworld Records
Lil B er ein av pionerane innan det som vert kalla cloud rap, på grunn av ein ofte svevande, draumeaktig stil og bruk av internett («skya») som publiseringskanal. Han starta karrieren som 15-åring i 2004, har gitt ut rundt 2000 låtar og er stadig i det produktive hjørnet: Dei nye albuma Call of Duty Task Force og Afrikantis kom ut samtidig.
Call of Duty Task Force er ei solid samling med noko for kvar rapsmak. «Cotham City» er ein hardtslåande gangsta rap; «Blackout» tek eit dykk ned i mørkare lydlandskap med djupe basstrommer, bjeff, knips og eit forfriskande skeivstemt synthriff. «Nike Air» er luftig og funky; «No Doubt» oser av klassisk rapmusikk med konsise funk- og jazzsamplingar, scratching og spretten gitarriffing. «Dub» er leikent melodisk, «Bag Lady» underleg skakkøyrd; «The Bigger Person» har eit varmt og jazzete preg medan «BasedGod We Need You» læt frijazzaktig.
Albumtittelen spelar på ein kjend spelserie, og Afrikantis har eit lydbilete som minner om tidleg PC-spelmusikk. Her er det skeive og underlege instrumentalar som dominerer. På opningssporet «My Father’s Drums» vert forfriskande ufaglært tromming kombinert med eit virvar av frijazzinspirerte synth-horn og spinnvill, atonal midi-pianoklunking. Fjerdesporet «Kim» er dominert av afrikanskklingande perkusjon, djupe bass- og tamtamtrommer med romsleg klang og fusion jazz-tangentinstrument. Nokre spor seinare, på «Solano Stroll», vert arven frå Captain Beefheart blanda med euforisk 90-talstrance.
Dette er to vidt forskjellige, men underleg samanhengande utgjevingar frå ein svært interessant musikar – som dertil har førelese på undervisningsinstitusjonar som Massachusetts Institute of Technology.
Rasmus Hungnes
Rasmus Hungnes er kunstnar, perkusjonist, DJ og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Hiphop / eksperimentell musikk
Lil B:
Call of Duty Task Force / Afrikantis
Basedworld Records
Lil B er ein av pionerane innan det som vert kalla cloud rap, på grunn av ein ofte svevande, draumeaktig stil og bruk av internett («skya») som publiseringskanal. Han starta karrieren som 15-åring i 2004, har gitt ut rundt 2000 låtar og er stadig i det produktive hjørnet: Dei nye albuma Call of Duty Task Force og Afrikantis kom ut samtidig.
Call of Duty Task Force er ei solid samling med noko for kvar rapsmak. «Cotham City» er ein hardtslåande gangsta rap; «Blackout» tek eit dykk ned i mørkare lydlandskap med djupe basstrommer, bjeff, knips og eit forfriskande skeivstemt synthriff. «Nike Air» er luftig og funky; «No Doubt» oser av klassisk rapmusikk med konsise funk- og jazzsamplingar, scratching og spretten gitarriffing. «Dub» er leikent melodisk, «Bag Lady» underleg skakkøyrd; «The Bigger Person» har eit varmt og jazzete preg medan «BasedGod We Need You» læt frijazzaktig.
Albumtittelen spelar på ein kjend spelserie, og Afrikantis har eit lydbilete som minner om tidleg PC-spelmusikk. Her er det skeive og underlege instrumentalar som dominerer. På opningssporet «My Father’s Drums» vert forfriskande ufaglært tromming kombinert med eit virvar av frijazzinspirerte synth-horn og spinnvill, atonal midi-pianoklunking. Fjerdesporet «Kim» er dominert av afrikanskklingande perkusjon, djupe bass- og tamtamtrommer med romsleg klang og fusion jazz-tangentinstrument. Nokre spor seinare, på «Solano Stroll», vert arven frå Captain Beefheart blanda med euforisk 90-talstrance.
Dette er to vidt forskjellige, men underleg samanhengande utgjevingar frå ein svært interessant musikar – som dertil har førelese på undervisningsinstitusjonar som Massachusetts Institute of Technology.
Rasmus Hungnes
Rasmus Hungnes er kunstnar, perkusjonist, DJ og fast musikkmeldar i Dag og Tid.
Fleire artiklar
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.
Edvard Munch: «Dagen derpå» (1894).
Nasjonalmuseet
Bakrus
Verst er plagene utpå morgonkvisten når promillen ligg kring null.