Arkivet: Cohen-hyllest
Av og til kan ein song finne ein ny heim på ein måte som straks kjennest heilt rett, og dette er tilfellet når Mavis Staples gir seg i kast med Leonard Cohens «If It Be Your Will» (opphavleg på Various Positions, 1984). Å kople akkurat denne røysta til akkurat denne komposisjonen – ein av mine favorittar – klaffar fullt og heilt, i det som for denne lyttaren høyrer til mellom dei finaste musikalske stundene i 2022, snart seks år etter at mannen bak gjekk bort.
Versjonen er – saman med elleve andre songar av like mange artistar – å finne på albumet Here it is, som kom ut for nokre dagar sidan. No manglar det ikkje på forsøk på å tolke Cohen, men likevel kan trufaste lyttarar trygt gi utgivinga ein sjanse. Bak det heile står musikar og produsent Larry Klein, som kjende Cohen godt og var mykje saman med han dei siste 15 åra han levde.
Når Here it is har vorte ei så heilskapleg plate, er det mellom anna fordi Klein gjer bruk av eit framifrå kjerneband (Bill Frisell, Immanuel Wilkins, Kevin Hays, Scott Colley, Nate Smith, Greg Leisz og Larry Goldings) heile vegen, uansett om det er Norah Jones, Peter Gabriel eller Iggy Pop som dukkar opp i studio. Vi veit det, men toler å oppdage det igjen og igjen: For ein songskatt Leonard Cohen etterlét seg!
Øyvind Vågnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Av og til kan ein song finne ein ny heim på ein måte som straks kjennest heilt rett, og dette er tilfellet når Mavis Staples gir seg i kast med Leonard Cohens «If It Be Your Will» (opphavleg på Various Positions, 1984). Å kople akkurat denne røysta til akkurat denne komposisjonen – ein av mine favorittar – klaffar fullt og heilt, i det som for denne lyttaren høyrer til mellom dei finaste musikalske stundene i 2022, snart seks år etter at mannen bak gjekk bort.
Versjonen er – saman med elleve andre songar av like mange artistar – å finne på albumet Here it is, som kom ut for nokre dagar sidan. No manglar det ikkje på forsøk på å tolke Cohen, men likevel kan trufaste lyttarar trygt gi utgivinga ein sjanse. Bak det heile står musikar og produsent Larry Klein, som kjende Cohen godt og var mykje saman med han dei siste 15 åra han levde.
Når Here it is har vorte ei så heilskapleg plate, er det mellom anna fordi Klein gjer bruk av eit framifrå kjerneband (Bill Frisell, Immanuel Wilkins, Kevin Hays, Scott Colley, Nate Smith, Greg Leisz og Larry Goldings) heile vegen, uansett om det er Norah Jones, Peter Gabriel eller Iggy Pop som dukkar opp i studio. Vi veit det, men toler å oppdage det igjen og igjen: For ein songskatt Leonard Cohen etterlét seg!
Øyvind Vågnes
Fleire artiklar
Den israelske militære talspersonen, admiral Daniel Hagar, møter media.
Foto: Amir Cohen / Reuters / NTB
Iransk kanondiplomati
Det iranske åtaket mot Israel bognar av strategiske bodskapar. Og mottakarane er mange.
Eden Golan skal representere Israel i Eurovision i Malmö.
Foto: Ran Yehezkel
Eurovision: Israels deltaking er viktig for pressefridomen
Den frie israelske pressa er under kraftig press.
Bjørgulv Straume (1938–2024).
Foto: Leonhard Jansen / Setesdalsmuseet
Munnharpevirtuosen frå Setesdal
Med Bjørgulv Straume voks den landsomfattande bølgja for munnharpespel seg til høgder ingen kunne førestilt seg.
Saueauksjon i Machynlleth i Wales.
Alle foto: Svein Gjerdåker
Sau
Noko om sauedrift i Noreg og Wales.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.