Unemnelege Ukraina
Nepomnjasjtsjij er i leiinga mot Ding Liren i VM-kampen i Astana, Kasakhstan.
Foto: Stev Bonhage
Verdssjakkforbundet Fide, under russisk leiing, har ein taktikk som går ut på å ikkje snakka om Ukraina. Då systrene Muzytsjuk, to ukrainske verdsstjerner, nyleg trekte seg frå Fide Grand Prix, vart det tyst frå Fide. Var det umogleg for systrene å konkurrera mot russiske spelarar? Kva seier Fide til det? Ingenting.
VM-finalisten Jan Nepomnjasjtsjij (32) har funne ei god formulering til vestlege journalistar: «Eg stør Russland, men er mot krig.» OK, kva tyder det? Er han imot Russlands krig, «Ukrainas krig», eller er han imot krig generelt? Han er sponsa av Putin-oligarkane, som finansierer Russlands krig. Kva seier han til det? Ingenting.
Av di Ukraina er vorte unemneleg i den russiske sjakkintelligentsiaen, kjem ein ikkje vidare. Den anti-intellektuelle putinisten Sergej Karjakin (32) har kritisert Nepomnjasjtsjij for tåkeprat. Han vil ha klar tale frå landsmannen før han vil heia på «Nepo» i VM-kampen. Karjakin og eksverdsmeisteren Anatolij Karpov er unntak: Dei pratar klart, men med fascismens retorikk.
Eit anna døme. Eg har halde meg borte frå russiske sjakksendingar det siste året, men under den russisk-arrangerte VM-kampen som byrja i post-sovjetiske Kasakhstan denne veka, skrudde eg på russisk internett-TV. Eg valde den minst propagandistiske sjakk-kanalen, som baud på to kommentatorar i eksil: stormeister Jevgenij Barejev (56) i Canada og stormeister Peter Svidler (46) frå ukjend adresse.
Dei to snakka til eit russisktalande publikum. Eg skjøna ikkje kva dei prata om. Barejev sa: «Vi russisktalande har slutta å tenkja og snakka. Eg stør difor dei som tør å seia noko.» Kva meinte han? Dei som tør å seia noko mot Putin og krigen (finst dei?), eller dei som tør å heia fram Putin og krigen (Karjakin og Karpov)?
Svidler berre klødde seg taust i skjegget. Ingen nemnde det unemnelege: Ukraina.
Same dag dukka det opp eit nytt bilete av Igor Kovalenko (34), Ukrainas beste spelar før krigen. Kovalenko melde at han var i live etter 11 månader som soldat. Han har mellom anna overlevd 150 dagar i Donetsk-regionen. Han skulle ha vore med i Fagernes-turneringa i påsken i fjor, der han var rangert som nummer 1, men trekte seg og drog til fronten.
Atle Grønn
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Verdssjakkforbundet Fide, under russisk leiing, har ein taktikk som går ut på å ikkje snakka om Ukraina. Då systrene Muzytsjuk, to ukrainske verdsstjerner, nyleg trekte seg frå Fide Grand Prix, vart det tyst frå Fide. Var det umogleg for systrene å konkurrera mot russiske spelarar? Kva seier Fide til det? Ingenting.
VM-finalisten Jan Nepomnjasjtsjij (32) har funne ei god formulering til vestlege journalistar: «Eg stør Russland, men er mot krig.» OK, kva tyder det? Er han imot Russlands krig, «Ukrainas krig», eller er han imot krig generelt? Han er sponsa av Putin-oligarkane, som finansierer Russlands krig. Kva seier han til det? Ingenting.
Av di Ukraina er vorte unemneleg i den russiske sjakkintelligentsiaen, kjem ein ikkje vidare. Den anti-intellektuelle putinisten Sergej Karjakin (32) har kritisert Nepomnjasjtsjij for tåkeprat. Han vil ha klar tale frå landsmannen før han vil heia på «Nepo» i VM-kampen. Karjakin og eksverdsmeisteren Anatolij Karpov er unntak: Dei pratar klart, men med fascismens retorikk.
Eit anna døme. Eg har halde meg borte frå russiske sjakksendingar det siste året, men under den russisk-arrangerte VM-kampen som byrja i post-sovjetiske Kasakhstan denne veka, skrudde eg på russisk internett-TV. Eg valde den minst propagandistiske sjakk-kanalen, som baud på to kommentatorar i eksil: stormeister Jevgenij Barejev (56) i Canada og stormeister Peter Svidler (46) frå ukjend adresse.
Dei to snakka til eit russisktalande publikum. Eg skjøna ikkje kva dei prata om. Barejev sa: «Vi russisktalande har slutta å tenkja og snakka. Eg stør difor dei som tør å seia noko.» Kva meinte han? Dei som tør å seia noko mot Putin og krigen (finst dei?), eller dei som tør å heia fram Putin og krigen (Karjakin og Karpov)?
Svidler berre klødde seg taust i skjegget. Ingen nemnde det unemnelege: Ukraina.
Same dag dukka det opp eit nytt bilete av Igor Kovalenko (34), Ukrainas beste spelar før krigen. Kovalenko melde at han var i live etter 11 månader som soldat. Han har mellom anna overlevd 150 dagar i Donetsk-regionen. Han skulle ha vore med i Fagernes-turneringa i påsken i fjor, der han var rangert som nummer 1, men trekte seg og drog til fronten.
Atle Grønn
Atle Grønn er internasjonal meister i sjakk.
Fleire artiklar
Beatrice Salvioni blir samanlikna med forfattar som Elena Ferrante og Natalia Ginzburg.
Foto: Vittoria Bernini
Jentene gjer opprør
Beatrice Salvioni skildrar hardt pressa ungjenter i Førkrigs-Italia i romanen Den fordømte jenta.
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Når den medisinske utviklingen gjør at vi kan redde barn stadig tidligere, er utvidelse av abortloven helt feil vei å gå, skriver KrF-leder Olaug Bollestad.
Foto: Jan-Petter Dahl, TV 2 / TV 2 / NTB
Blottet for etiske refleksjoner
Fjerner Arbeiderpartiet nemndene, fjerner de rettsvernet for det ufødte livet frem til svangerskapet er nesten halvgått.
Teikning: May Linn Clement
Votten
Like ved der huset til Olav og Margit så vidt kan skimtast bak ein haug, heng ein blaut vott i toppen av ei brøytestikke. Ein liten gut står på tå og prøver å rekke opp.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.