Semjon
Semjon Mitusov (16) på påskefestivalen i sjakk på Fagernes.
Foto: Anniken Vestby
Fredag 1. april kom Semjon Mitusov (16) og mor hans til Scandic Helsfyr hotell i Oslo.
Fem dagar seinare, tysdag 5. april, sit dei roleg ved eit bord i Oslo Schakselskap. Det er mange menneske i klubben denne kvelden, vi skal spela aprilutgåva av «Superlyn» klokka 19.
Eg freistar småprata med Semjon og mor hans. Kva kan ein seia? Den unge guten, det største sjakktalentet frå byen Kramatorsk i Donetsk fylke, ser like sliten ut som mor si.
Eg peikar på nokre «lynhaiar» som går forbi oss. Semjon er overraska over at det kjem stormeistrar til klubben ein tysdag kveld. Så byrjar turneringa. Semjon slår stormeister Frode Urkedal i runde 5 og spelar på fyrstebord mot Simen Agdestein i runde 7. Partiet vert remis. Men runden etter tapar Semjon mot Ward Altarbosh, som hoppa av frå det syriske OL-laget i Tromsø i 2014.
I 11. og siste runde har eg kvit mot Semjon. Eg får ein føremon i ei katalansk opning. Semjon freistar setja opp ei festning i midtspelet. Han går fram og attende med tårnet. Eg vil vinna, det er det spelet går ut på. Eg kan få eit tårnsluttspel med gode sjansar til siger om eg byter dronning, men bør eg ikkje spela meir offensivt? Eg går til åtak med dronninga mi – og vipps vert eg sjølv matt i tre trekk.
Agdestein vinn turneringa føre Altarbosh og Elham Abdrlauf, ein 17-åring med afghansk bakgrunn, den beste junioren i norsk sjakk. Semjon endar på 6. plass, ein fin debut. Mora smiler til meg når eg fortel at son hennar slo meg. Eg spør om dei har nokre planar for framtida. «Vi skal vera her. Vi skal ikkje attende til Ukraina. Åtte år med krig er nok.»
Tre dagar seinare, fredag 8. april, vert togstasjonen i heimbyen Kramatorsk bomba av russarane. 50 døde ligg på plassen der Semjon og mora hadde stått med bagasje ei veke tidlegare.
Sundag 10. april er Semjon på plass i Fagernes Chess International, påskefestivalen til Hans Olav Lahlum. Arrangøren spanderer hotellopphaldet på Semjon, som vert møtt med applaus frå 130 sjakkspelarar før fyrste runde.
I fjerde runde, 12. april, vinn guten mot ein indisk stormeister, og i runden etter slår han ein svensk stormeister. Resultatet er sensasjonelt. Han endar på 15. plass med fleire stormeistrar bak seg på lista.
Atle Grønn
Atle Grønn er internasjonal
meister i sjakk
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Fredag 1. april kom Semjon Mitusov (16) og mor hans til Scandic Helsfyr hotell i Oslo.
Fem dagar seinare, tysdag 5. april, sit dei roleg ved eit bord i Oslo Schakselskap. Det er mange menneske i klubben denne kvelden, vi skal spela aprilutgåva av «Superlyn» klokka 19.
Eg freistar småprata med Semjon og mor hans. Kva kan ein seia? Den unge guten, det største sjakktalentet frå byen Kramatorsk i Donetsk fylke, ser like sliten ut som mor si.
Eg peikar på nokre «lynhaiar» som går forbi oss. Semjon er overraska over at det kjem stormeistrar til klubben ein tysdag kveld. Så byrjar turneringa. Semjon slår stormeister Frode Urkedal i runde 5 og spelar på fyrstebord mot Simen Agdestein i runde 7. Partiet vert remis. Men runden etter tapar Semjon mot Ward Altarbosh, som hoppa av frå det syriske OL-laget i Tromsø i 2014.
I 11. og siste runde har eg kvit mot Semjon. Eg får ein føremon i ei katalansk opning. Semjon freistar setja opp ei festning i midtspelet. Han går fram og attende med tårnet. Eg vil vinna, det er det spelet går ut på. Eg kan få eit tårnsluttspel med gode sjansar til siger om eg byter dronning, men bør eg ikkje spela meir offensivt? Eg går til åtak med dronninga mi – og vipps vert eg sjølv matt i tre trekk.
Agdestein vinn turneringa føre Altarbosh og Elham Abdrlauf, ein 17-åring med afghansk bakgrunn, den beste junioren i norsk sjakk. Semjon endar på 6. plass, ein fin debut. Mora smiler til meg når eg fortel at son hennar slo meg. Eg spør om dei har nokre planar for framtida. «Vi skal vera her. Vi skal ikkje attende til Ukraina. Åtte år med krig er nok.»
Tre dagar seinare, fredag 8. april, vert togstasjonen i heimbyen Kramatorsk bomba av russarane. 50 døde ligg på plassen der Semjon og mora hadde stått med bagasje ei veke tidlegare.
Sundag 10. april er Semjon på plass i Fagernes Chess International, påskefestivalen til Hans Olav Lahlum. Arrangøren spanderer hotellopphaldet på Semjon, som vert møtt med applaus frå 130 sjakkspelarar før fyrste runde.
I fjerde runde, 12. april, vinn guten mot ein indisk stormeister, og i runden etter slår han ein svensk stormeister. Resultatet er sensasjonelt. Han endar på 15. plass med fleire stormeistrar bak seg på lista.
Atle Grønn
Atle Grønn er internasjonal
meister i sjakk
Fleire artiklar
Dei siste par åra har den norske bonden fått kjenne konsekvensane av å produsere i eit system der utgiftene er styrte av marknaden, medan inntektene er styrte av politikarane, skriv Siri Helle.
Foto: Heiko Junge / NTB
Effektivisering er ikkje berginga
Korleis gje bønder rettferdig inntekt når dei framleis skal vere sjølvstendig næringsdrivande?
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.