Slutt på den politiske stafetten

VALGRANSKARANE hadde det greiare i stordomstida til Henry Valen og Stein Rokkan. Dei politiske konfliktdimensjonane var relativt oversiktlege og stabile fram til EF-striden i 1972. Når ein hadde kartlagt sosial og geografisk bakgrunn, alder, kjønn, yrke, inntekt, formue, utdanning og kva veljarane røysta ved førre val, kunne ein nokså trygt varsla at dei ville halda seg på det same sporet. Partival var ofte ei familie-, slekts- og miljøhandling.